曾貴海

還小時節老人家常常講起

三山國山廟个山神

騎白馬飛天衝去隔壁庄

踏爛伊等个村庄廟壇

原來，我等拜个係戰神

家鄉下六根庄个圓形村落

起滿土磚屋紅磚屋同端正�g大伙房

外面圍著樹林齧竹河壩

庄肚路面只有四公尺闊

屋家黏屋家

家門對家門

庄路對廟中心向四邊伸出去

伸到東西南北柵門口

柵門附近還有五仔鎮營神

歸只庄仔像一只軍營

保護庄內緊張个客家移民親族

三百年前左右來到這裡

一代一代傳落去

漸漸个，有人搬去柵門外

一九九○年以後

東柵門後，鄉公所對面

剷開三條隔沒五十公尺个大路

舊式客家建築一隻一隻倒塌

鄉親佇巷仔內行出行入

謹謹慎慎過日子

等有錢時節起洋樓

齧竹＝＝刺竹

後＝＝旁邊