曾貴海

庄肚个高女生

最靚个阿桂姐

目珠會眨星仔花

笑起來

像一蕊又一蕊初開�g曇花

兩粒深深个酒窟

迷到後生仔半夜發顛

像眠倒个山峰个身材

像紮入泥肚个樹根个腳筋

像雪白浪花个皮膚

係飲地下水食在來米

變大變靚个美人呀

有一日

我佇伯公樹下看書

伊對屋家遠遠行來

肩頭著兩桶屎

擔竿隨著伊个腳步

左搖右擺踏著地泥面

桶仔內半滿个尿水

幌出來

潑落路面

潑到伊个黑褲伊个赤腳

我放下書

兩隻目珠盯著伊

看伊行入菜園舀尿淋菜

真像鼻毋到尿味香

四十年後

伊帶做大學校長个老公行去菜園

靚＝＝笑　　後生仔＝＝年輕人，後輩