清早个圳溝

曾貴海

打早

幾條天光穿過屻崗个樹葉

照射清早个圳溝

光點佇水面泅來泅去

庄肚个婦人家細妹仔

擐著一籃一籃換忒个衫褲

行過暗微濛个小路

一儕佔一粒圳溝唇个石頭

手起手落

用圓棍衫褲

一聲接一聲

像山歌一儕接一段唱落去

話事講起來

講到罪過个事

大家惦惦道嘆

講到光彩个事

吵得鳥仔飛盡盡

講起好个�c事

大家扭做一團手軟腳懶

庄肚个大小事

沒一項人毋知

洗過春夏入秋到寒冬

冷人骨髓个寒天

兩隻腳浸入冰涼个水中

寒風吹散頭腦毛衫袖角

有人一邊洗一邊唱

……冬去春來花會開

……阿妹想嫁毋敢講

……阿哥想討舌打結

細妹＝＝小姐　　　擐＝＝提。挽　

一儕＝＝一個人　　　　＝＝拍打

惦惦＝＝靜靜　　好　＝＝好笑