秋夜暗晡
月公像一尾小白帶魚
金金吊天邊
阿叔帶我去放田水
用腳頭挖開上坵田
就坐落來叭煙
吸一口閃一絲光
遠遠个庄肚
幾盞燈光眨著目珠想睡目
水聲流過腳底个田
靜靜
田坵暗夜
響起仔同虫仔聲
風吹過田坵尾个竹頭樹
盡多小鬼佇竹葉尾喊我等
四周个夜沒邊沒底
阿叔惦惦毋講話
帶我來到這黑暗世界�g中心
像分人擲去世間暗角
驚到想叫泣个時節
阿叔手指左邊个大黑影
月光下天頂上坐著南大武山
伊講山神一直看守我等
這兜老公太个後代
係毋係還會來放田水
腳頭＝＝鋤頭 叭煙＝＝抽煙 蛵仔＝＝青蛙
這兜＝＝這些 係毋係＝＝是不是