曾貴海

一九五○年出頭

台灣个寒天冷入骨髓

草地也共樣

窮苦年代

大家圍起來分屋家燒暖

有一日冬夜

冷風咻咻滾

暗淡个電火下

一個細人仔擐一碗面帕粄

對巷頭慢慢行過來

伊就是我个同學榮華牯

買面帕粄歸去分伊阿姆食

台灣个白色恐怖年代

盡多讀書人分人獵殺

一足月前伊阿爸就分人捉去了

前幾日有人拿伊阿爸个衫褲同鞋

擲分跪佇地泥上个伊阿姆

伊阿姆叫泣到沒目汁

面容愁燥到打皺

這擺事情過後

一直到伊阿姆過身

我毋識看過伊阿姆个笑容

我个同學榮華牯也避人都市

惦惦討妻仔細人仔

從來沒尋人聊

面帕粄＝＝粄條　　共樣＝＝同樣　　分屋家＝＝給家裡　　細人仔＝＝小孩。

擐＝＝提　　牯＝＝小孩�g暱稱　　過身＝＝死去　　毋識＝＝不曾　　

討妻仔＝＝娶妻　　　細人仔＝＝生小孩