曾貴海

年夜飯後

大家爭等看舊相簿

忙亂中

一張老照片輕輕飄落

孤孤單單跌落腳邊

一張老婦人家个相片

係麼人呀

消失个平埔族个老婦人家

流落佇客家人屋家

變做我阿婆

六千年前，台灣南島民族

這兜大海个人魚

用獨木船劈開海浪

漿去夏威夷紐西蘭同復活島

建立玻利尼西亞海洋民族

佇四百年以前个台灣土地上

伊等係大地山河个自然人

沒分文明个瘟疫傳染

跈著日頭同月公个光暗

腳底黏著地泥生活

一百零年前，這兜台灣平埔族

不知不覺失去蹤影

變做沒歷史記憶个人群

今暗晡，時間會 「 」過年檻

歷史不得不放棄一些負擔

拿著平埔客家阿婆个相片

攬著一大堆家族相簿

真驚這兜台灣客家个記憶

也會像平埔族

變做歷史个負擔

分人擲去時間个大海

沒分＝＝沒有給

跈＝＝跟隨

月公＝＝月亮

這兜＝＝這些

暗晡＝＝晚上

＝＝跨