亞洲大陸�g流浪族群
將生命交分海峽黑水溝
來到南台灣屏東平原
向地泥河壩牛姆豬仔禾仔講客話
請來三山國王个山神
落腳佇高屏溪東港溪林邊溪邊
一路流浪落來个靠山族群
變成靠河壩个農民
三百零年來，守著這塊土地
毋會少祖先个血汗流落圳溝水
六大座頭正像大樹紮入地泥肚
跈著含笑樹蘭夜合同桂花香
就尋得到客家人屋家
愛花香又勤儉个勞動民族
好讀書又清淨个客家人
毋好忘了客家話
毋好離開六堆家園
像樹根咬狠腳底土地
吸飽地泥水
生滿樹葉開滿花
代代傳落去
台灣土地已經聽得識客家話
認得出六堆客家人
瞭解伊等對家園个愛
咬狠＝＝咬緊