曾貴海

有人問我係麼介人

我馬上回答係客家人

從小佇客家庄到大

阿姆對竹田溝背客家庄嫁過來

當我三十零歲

堂伯同我講

阿公係河洛人分過來�g

我當場感覺到蓋尷尬

五十歲出頭

自家正查出阿婆係平埔族

一粒炸彈炸開血緣个地雷

有人再問我係麼介人

我還係講客家人

毋顧有兜歹勢

有一日發夢

看到三個祖先

佔著圓身三個部分

牽手唱歌跳舞飲酒

伊等喊我小猴仔

汝係平埔福佬客家台灣人

四百年歷史像一條索仔

纏著我身上

平埔福佬客家結結相連