曾貴海

時間牽著長長个幼絲

編織軟爽个網床

虫仔撞入來

人心像搖籃晃來晃去

日頭跋過山崗河壩田舍都市大海

朝晨暗晡跈上跈下

這邊有人出門上工

那邊有人睡目發夢

冷風吹過，燒暖又來

花開葉落四季輪

細妹仔照著四季个大鏡仔

一心想要打扮到比花靚

拜新丁又送葬

過節又王爺生

計算生命�g長短

一分一秒一點鐘一日一年

算到世界沒愛你

其實沒麼介按做時間

只有光暗个影仔

沒麼介按做四季

只有色彩千變萬化个妝扮

纏著我算日節

沒時間个世界

係麼介世界

沒四季个人間

係麼介人間

只有惦惦个土地知得

跈＝＝跟