摘要

影音藝廊館,歌曲試聽,懷念老唱片

內容

  • 歌曲名稱
    • 石金勸世歌(上)(HL5006)(萬松調)(十六分三十七秒)

  • 出版者
    • 苗栗美樂國際唱片行彭雙琳出品

  • 出版年份
    • 民國五十五年十月發行

  • 演唱者
    • 新竹羅石金

  • 編作
    • 新竹羅石金

  • 所屬專輯
    • 懷念老唱片

  • 唱片內容
    • 勸世文

  • 歌詞
    • 一來奉勸後生哥,後生生理你愛認真做,生理一時變一款,物質波動捉毋著,(轉口白)一來奉勸你後生哥,生理確實愛認真做,生理一時變一款,物質波動分 來捉毋著,前時有錢做得大生理,這滿你有錢還愛來靠頭腦,若是係無頭腦,相信你十間店九間都難做,將 看過就來考慮,這滿後生頭腦有卡高,前時出門用行路,這滿出門有車坐,前時買賣用 擔,這滿就有車 配到到,一年過一年更新機器工廠加盡多,前時割禾用心搬,這滿設有機器用腳踩,前時耕田愛畜牛,這滿犁田毋使用牛拖,也有發明腳踏車,自家騎後背做得 載貨,近來緊懶尸,出門遠路懶尸踩,全部希望來「 」(機車),載雙儕實在派頭有卡好。也有發明這種安著特效藥,有病毋使來煩惱,不管時手術來 開刀,也有學著微妙藥,實在係還好,毋會供食著佢會供,驚供儕食著確實佢會無,也有科學研究還周到,聽講豬 走醒毋使用豬哥,豬 係走醒將就來注射,恁仰就會拑得著。想真這滿後生命還好,普通眠床無愛睡,專門愛睡胖床係「 」(洋床),兩儕睡目來睡兼兼,睡著確實來真「 」(氣氛),實在想真這滿水準高,建設山肚還周到,勸話妳係阿姐,衫褲毋好來做忒多,一時興一款,新出巧花分 來追毋著,前時婦人家來著大褲腳,奶姑束著頸昂昂,這滿奶姑合身體量著堵堵好,腰間盡量來束細細,束著妳下身肚砣砣,兩個胸前盡量絆,絆起像著五寸高,時行來著呢龍褲,玉腿全部就看得著,老人家看著來緊拂頭,後生人看著講係當「 」(氣氛),實在想真水準高,建設山肚還周到,坑頭窩壢有草條,大路全部就透到到,前時山肚來點水油,這滿全部都有牽電火,市內莊下都共樣,逐家買有「 」(收音機)掛曲盤,佢會來唱山歌,前日 對該山肚過,看著一個老阿伯,聽著多少有訶腦,後生人緊聽來緊多,愛聽山歌 對你講,造出該曲盤幾十樣,也有造出九腔十八調,綁傘尾、送情郎,也有造出吳漢來殺妻,也有造出苦女對情郎,也有造出青春夢,也有造出桃花過渡撐渡船,也有造出酒家女,也有造出十八姐來對七歲郎,也有造出蘭彈曲,也有造出八音迎新娘,也有造出勸世文,勸你大家後生愛乖張,這滿出品全部 者美樂唱片廠,設地堵堵 者?苗栗鎮,設地堵堵 者?中央,頭家係這後生人,性格盡優良,大家無棄嫌,望你大家交干,分佢一儕傳一儕,分佢一方傳一方,分佢齊齊大家來註文,分佢倉庫無數量,工廠一定來做毋掣,師傅一定會拼夜工分 看,頭家一定會心歡喜,請 大家食麥酒(轉為唱)傍豬肝哪!

      一樣樹木一樣皮,一樣禾苗百樣米,一個國家一個主,廳法完全無共理,(轉口白)二來就奉勸,一樣樹木一樣皮,一樣禾苗百樣米,一個國家一個主,廳法完全無共理,清朝時節換日本,日本管台灣,「強槓」賊牯來驚死死,日本法律來管台灣,並無「強槓」來偷東西,逐個學習日本好精神,日本精神好規矩,街路毋敢濫 來屙尿,往往就 敢來講生理,出門衫褲愛著端正,無端正隨時警察來取締,日本對這衛生就第一知,喊人莊中各各愛做?模範地,喊人社莊安白圍,屋簷兜全部都愛「 」(混凝土),喊人壁上愛開大窗,窗門全部安玻璃,耕作園中來管理,喊人蒔田愛蒔直直,喊人偽秧秧溝愛留尺二,(空七字),投生毋肯人濫 ,台北就無好買,逐個夾來做「 」(黑市),有人趜來背囊背 (嬰兒),有人趜來頭前就大肚屎,算來戰爭非常時,全台愛禁火,莊中毋肯濫 來做戲,全台調女工, 娘男婦也著去,強制權喊人愛割馬草,喊人燒炭山上來剝樹皮,物資全會起,有錢係 看算來也係無驚奇,台灣漸漸來空襲,喊人各各疏開山肚去,貧窮富貴來一般般,逐個就驚怕空襲來得死,昭和年方堵堵做著二十四,十月二十五好日期,無條件光復,逐個歡迎還恭喜,換著 祖國管,國軍講係 者同胞親兄弟,生理隨在 者自由做,並無聘價來取締東西有起並無落,(轉為唱)馬馬虎虎逐個啊!你就好生理哪!

      喊 唱歌確實有卡好,矮矮聽轉你就會反高,老人聽轉添福壽,後生人聽轉生理你會認真做,也係你臭頭阿哥來聽著,轉去確實會生毛,也係你目珠矇矇來聽著,轉去你目珠金金看得著,手指係毋方便來聽著,轉去 相信你手指就毋會瘸,也係你跛腳阿哥來聽著轉去腳子就毋會搓啊搓,也係你生理阿哥就來聽著,轉去人客就來滿間,生理確實係還好,也係這種細阿哥來聽著,轉去拔來阿哥,阿哥來揪阿嫂緊綁緊大垛,也係你 豬阿哥來聽著,轉去你 豬毋使來鉋毛,打鐵阿哥來聽著,轉去你打鐵就毋使來起火,也係你耕田阿哥來聽著,轉去確實毋使來挲草,一冬割出來兩冬禾,比這三七五減租還卡好,也係你茶店下細阿姐來聽著,轉去的確哥相好,也係你公婆毋好來聽著,轉去確實佢會好,各人?枕頭送兼又送兼,一夜 好著尼尼合呢呢,其爸並其姆,聽著來心歡喜,天光朝晨承蒙(轉為唱)姓羅?呀!安著石金哥哪!

 

收藏 分享
更新日期:106 年 10 月 16 日

你可能有興趣的相關推薦