摘要

影音藝廊館,歌曲試聽,懷念老唱片

內容

  • 歌曲名稱
    • 石金勸世歌(下)(HL5006)(萬松調)(十七分十五秒)

  • 出版者
    • 苗栗美樂國際唱片行彭雙琳出品

  • 出版年份
    • 民國六十年發行

  • 演唱者
    • 新竹羅石金

  • 編作
    • 新竹羅石金

  • 所屬專輯
    • 懷念老唱片

  • 唱片內容
    • 勸世文

  • 歌詞
    • 再來奉勸少年時,少年就莫來犯規矩,若是犯著規矩,隨時警察就來捉 去,(轉口白)再來奉勸少年時,少年毋好來犯規矩,若是你犯規矩,隨時官廳來捉 去,講有理放 來轉,講無理拍凳拍桌喊 愛跪落去,若是你口供係毋承認,打著你半生死,恁仰係得過,算來真恭喜,若係毋得過, 你送落牢子去,探頭身看著牢子桱,一片十二支兩片鬥等二十四,當下就來思想,想著確實還慘淒,一來丟忒 爺哀,二來丟忒親兄弟,三來丟忒 妻兒,高不將事到於今無奈時,看著日頭會轉黃,各各分有爛毯子,睡目毋係親像屋家?八架床,全部就「 」(混凝土)硬朗朗,睡目一儕分無六尺長,尿桶合屎缸,一暗 乾蜱咬著攝攝癢,天光朝晨七早八早就愛 床, 起來面無洗嘴無盪,食飯毋係親像屋家碗公裝,用這枋子釘著四角框,三餐來食臭騷飯,傍該咸菜尾、臭風薑,有成時水菜頭切著兩三皮,分 吞著來頸鋸鋸,千比萬比來無好比,親像人該鳥子樣,分人捉著來鳥籠肚,毋得鳥籠出來外洋飛,再來奉勸你這種公婆儕,公婆聽 來勸話,公婆事愛相勸,毋好小事昂昂合惹惹,相 合鬥打,愛想碗盆洗碗會相喀,嘴唇舌 恁相好,下把時牙齒都會咬舌 ,勸話人家女,工頭並工尾勤儉撿媝來學繡花,做人?心舅人,第一 事毋好學,第二閒事毋好管,第三一切訶腦事情 莫惹,愛想老公探頭天下闊,老公面目 愛顧,老公面皮 愛遮,(轉為唱)公婆係相好啊! 就供一家哪!

      勸朋友你愛知,風流 係好東西,幾多風流無了日,囑咐阿哥愛討妻,二勸朋友轉屋家,莫來賺錢去貪花,無病無痛無要緊,一朝病痛正知差,三勸朋友愛精神,在家敬奉兩雙親,你今風流正來愛想走,總愛夫妻家業成,四勸朋友愛分明,賺有錢銀顧家庭,風流兩字你愛惜,老哩日後正艱辛,五勸朋友莫貪花,貪得花來心會野,後生風流無要緊,老哩轉想正知差,六勸朋友愛認真,賺有錢銀愛隨身,風流一定你莫去,落難苦時無六親,七勸朋友心莫野,莫來總係在妹家,真情阿妹無你份,丟了爺娘在屋家,八勸朋友愛死心,莫因貪花害死你,丟忒若伴無要緊,丟忒爺娘傷天理,九勸朋友轉家鄉,轉去家鄉敬爺娘,努力打拼成家業,日後正有好春光,十勸朋友敬爺娘,努力在家正正當,落花流水無到老,總愛夫妻正久長。

 

收藏 分享
更新日期:106 年 10 月 16 日

你可能有興趣的相關推薦