資料來源
客委會全球資訊網最新消息
內容
張貼日期：2024/06/03
【客語版】
擎香許福，客家委員會主任委員古秀妃3號出席「高雄市盤花公園」起工破土典禮，同高雄市長陳其邁還過立法委員、市議員、在地鄉親等論百儕人為工程祈求順利。古主委表示，今下盤花公園代表「客家」毋單淨係客家人个客家，係所有市民鄉親个客家、大家个花園，非常期待盤花公園共快起好。
古主委也講，身為高雄人蓋幸福、也蓋沙鼻，非常感謝陳市長帶領个市府團隊，每擺歸到高雄都做得發現無共樣个城市美景同建設，包含這擺个盤花公園，本旦就係市民休閒娛樂个場所，這下過融入吔客家元素，恁仔个設計意象毋單止係客家人盡熟事个景色，也係在日常生活中，民眾做得偎兼客家文化个好所在。
為著實踐2050淨零碳排同環境永續發展个目標，高雄愛河脣項个盤花公園設計採低維護環境綠化理念，改善原本三民一號公園泥肉嚴重鹽化問題，同時同客家元素融入在裡背。陳市長在致詞个時節特別展客話表示，十分感謝中央客委會个補助經費，今晡日破土典禮係高雄客家鄉親个大事，尤其盤花對南臺灣客家民俗來講有代表性象徵，乜希望工程做得在明年2025年五月節時完工。
用盤花唱喏在南部六堆客庄係一項特別个傳統儀式，婦人家會同屋下花園摘來个各種鬧鬧个花，洗淨後一層層疊在圓形个淺盤仔，向伯公、祖先抑係神明等神靈許福，體現客家族群虔誠个祭祀文化。公園將把融合盤花精神，種吔蓋多客家丹墀坪長透看得著个植物同代表个花「客家九香」，像係含笑花、夜合花、玉蘭花等，重新活化都市景觀環境，提供在地鄉親還過優良个綠地公園。
-------------------------------------
【華語版】
舉香祈福，客家委員會主任委員古秀妃今（3）日出席「高雄市盤花公園」開工動土典禮，與高雄市長陳其邁共同攜手立法委員、市議員、在地鄉親等逾百人為工程祈求順利。古主委表示，今日盤花公園代表著「客家」不再只是客家人的客家，而是所有市民鄉親的客家、大家的花園，非常期待盤花公園的誕生。
古主委也說，身為高雄人很幸福、也很驕傲，非常感謝陳市長所帶領的市府團隊，每次回到高雄都能發現不同的城市美景與建設，包含這次的盤花公園，原本就是市民休閒娛樂的場所，如今再融入客家元素，這樣的設計意象不只是客家人所熟悉的景色，也是在日常生活中，民眾可以很親近客家文化的好地方。
為實踐2050淨零碳排及環境永續發展的目標，緊臨高雄愛河畔的盤花公園設計採低維護環境綠化理念，改善原三民一號公園土壤嚴重鹽化問題，同時將客家元素融入其中。陳市長於致詞時特別大秀客語的表示，十分感謝中央客委會的補助經費，今日動土典禮是高雄客家鄉親的盛事，尤其盤花對南臺灣客家民俗而言是代表性象徵，更期盼工程能在明（2025）年五月節時完工。
盤花供奉在南部六堆客庄是一項獨特的傳統儀式，婦女於家中花園採摘各種鮮豔花朵，清洗後層疊在圓形淺盤中，以向土地伯公、祖先或神明等神靈祈禱，體現客家族群虔誠的祭祀文化。而公園將融合盤花精神，廣植客家庭院常見的植物及代表花卉「客家九香」，如含笑花、夜合花、玉蘭花等，重新活化都市景觀環境，提供在地鄉親更優良的綠地公園。
摘要
客委會全球資訊網最新消息
更新日期
113 年 6 月 7 日